Mat, Vokshi: Protesta në 18 shkurt , lëvizje pa kthim për rrëzimin e Edi Ramës !

Kryetarja e Lidhjes Demokratike të Gruas së Shqipërisë, deputetja Albana Vokshi deklaroi nga Mati në një takim me forumin e gruas se protesta e 18 shkurtit nuk do të ndalet deri sa pushteti t’ju kalojë qytetarëve.
Në takimin e znj. Vokshi me strukturat e Lidhjes Demokratike të Gruas dega Mat morën pjese Kryetari i Bashkisë, Nezir Rizvani dhe deputetët e Partisë Demokratike të zonës : Bedri Hoxha, Dhurata Cupi dhe Roland Keta, të cilët theksuan gjendjen e rëndë ekonomike, papunësinë e lartë dhe mungesën e qëllimshme të investimeve, si një politikë diskriminuese që zbaton qeveria për Bashkitë e fituara nga Partia Demokratike.