Prej tre dekadash zonat rurale vijojnë të braktisen nga banorët për shkaqe nga më të ndryshmet. Por situata shqetësuese është për shkak të braktisjes nga rinia. Këtij fati nuk i kia shpëtuar as fshati Krajkë në Njësinë Administrative Zerqan në Bashkinë e Bulqizës. pamja e fshatit është vërtetë e trishtueshme teksa sheh banesa të rrënuara, të vjetëruara e mbi të gjitha që në to nuk banon askush. I vetmi banor që takojmë në këtë fshat jo shumë larg rrugës nacionale, është Ibrahim Nela. Ai na tregon se si mungesa e vëmendjes nga qeveritë dhe pushteti vendor i ka detyruar banorët të largohen në mënyrë të vazhdueshme. Sipas tij, fshati tashmë ka marrë një pamje të frikshme, sikur banesat e rrënuara të përpijnë.Sipas banorit Ibrahim Nela, dikur fshati banohej nga rreth 500 banorë, ndërsa sot ka më pak se 100.