Detaje të reja janë bërë të ditura nga ngjarja e rëndë në Chania të Greqisë, ku një 35-vjeçar, dyshohet shqiptar, u gjet i vdekur me fytin e prerë nga një sharrë elektrike.
Sipas mediave greke, gjithçka ka ndodhur pak pas orës 11 të mëngjesit, kur 35-vjeçari ndodhej së bashku me bashkëshorten dhe një person tjetër në një fushë në zonën e Katsivelianës në Selino të Chanias.
35-vjeçari tentoi të priste dru duke përdorur një sharrë elektrike, por humbi kontrollin e saj duke prerë fytin.
Vdekja e tij ishte e menjëhershme, ndërsa shoku dhe gruaja e tij e tronditur lajmëruan autoritetet.
Në vendngjarje kanë mbërritur edhe forca të policisë, ndërsa ekipet e shpëtimit nuk kanë mundur t’i ofrojnë asnjë ndihmë 35-vjeçarit.