Një 39-vjeçar shqiptar është arretuar nga policia gjermane, pasi ka sulmuar për vdekje fqinjin e tij ukrainas, i cili po ashtu ishte 39-vjeç.
Lajmin e bëri të ditur zyra e prokurorit publik në Frankfurt (Oder) dhe departamenti i policisë në Lindje, përmes një deklarate të përbashkët për mediat.
Sipas burimeve nga policia vendase, ngjarja ndodhi në orët e mëngjesit të 12 tetorit 2022, ekzaktësisht rreth orës 08:00, ku 39-vjeçari shqiptar ka sulmuar fqinjin e tij në një pallat në rrugën Robert-Koch-Strasse.
39-vjeçari ukrainas vdiq si pasojë e plagëve të shumta që kishte marrë.
I dyshuari u arrestua pranë vendit të krimit dhe u soll para gjykatës në Ebersëalde dje.
Ai nuk e pranoi akuzën. Më pas ndaj tij u lëshua një urdhër arresti për vrasje nga pakujdesia.
Hetimet për rrethanat dhe sfondin e krimit janë duke vazhduar.