Një aksident tragjik është shënuar dy ditë më parë në Greqi, ku viktimë mbeti një 20-vjeçar shqiptar.
Mediat vendase kanë publikuar sot foton e të riut, i cili u përplas me një makinë teksa ishte duke udhëtuar me motor.
Nga aksidenti mbeti i vdekur shqiptari, ndërsa pasagjeri dhe shoferi i fuoristradës mbetën të plagosur, njëri prej tyre në gjendje të rëndë.
Po ashtu lidhur me këtë aksident kanë folur dhe të afërmit e tij, të cilët shprehin dhimbjen për ndarjen e tij nga jeta.
“Klajdi ishte fëmijë emigrantësh, një i ri plot jetë, i guximshëm dhe luftëtar”, tha një afërm.
“Prindërit e Klajdit jetonin në Alissos prej gati 30 vitesh. Një familje që e duan Greqinë si shtëpinë e tyre të dytë pas Shqipërisë. Klajdi ka një vëlla më të madh. Të dy ishin fëmijë të qetë, të mirë”, tregoi një tjetër./btvnews.al