Gjatë ditës së sotme është aksidentuar një fëmijë 8 vjeç përpara shkollën 9-vjeçere “Zylyftar Veleshnja” në Skrapar.
Një mjet tip ford me targa AA 579 OD e ka goditur femijen kur po hynte me vrap drejt shkollës.
Fëmija i plagosur Denis Gazmit Dyrmishi, nxënës i klasës së dytë në shkollën 9-vjeçare të Skraparit, është transportuar drejt Spitalit Rajonal të Beratit, ku raportohet se ka dëmtime të rënda në të dyja këmbët. Sipas mjekëve të Spitalit Rajonal të Beratit, fëmija aktualisht ndodhet në sallën e operacionit, ku po i nënshtrohet një ndërhyrjeje kirurgjikale.
Menjëherë në vendngjarje kanë shkuar forcat të shumta policie që po kryejnë edhe këqyrjen e vendit të ngjarjes,për të hedhur dritë mbi shkaqet e aksidentit.Burimet policore konfirmojnë se drejtuesi i mjetit Anuel Bregu,44-vjeç,është shoqëruar në polici,kur edhe do të merret në pyetje në lidhje me aksidentin. /btvnews.al