Që ekipet të paraqiten sa më mirë rol kryesor luajnë edhe trajnerët. Por a vlerësohen sa duhet për punën e tyre?
Media spanjolle “Mundo Deportivo” ka rënditur teknikët më të paguar në histori. E veçanta është se në këtë listë vihet re mungesa e disa trajnerëve më të mirë si: Del Boske, Pep Guardiola, Sër Aleks Ferguson, Joakim Lëv, Arsen Venger etj.
1. Julian Nagelmann, 25 milionë euro
Në verën e vitit 2021, u bë një lëvizje që ishte paralajmëruar shumë kohë më parë, ardhja e Julian Nagelsmann në Bajern Mynih. Skuadra bavareze pagoi 25 milionë euro për të marrë trajnerin e Lajpcig.
/origin-imgresizer.eurosport.com/2022/09/28/3461789-70620948-2560-1440.jpg)
2. Graham Poter, 20 milionë euro
Çelsi i pagoi Brajtonit 20 milionë euro për të marrë shërbimet e Graham Poter.
3. Andre Vijas-Boas, 15 milionë euro
Është e habitshme që Andre Vijas-Boas futet fshehurazi në ‘Top 3’ e trajnerëve më të shtrenjtë në histori. Në vitin 2011, Çelsi i pagoi Portos 15 milionë eurot që figuronin në klauzolën e tij të përfundimit.
4. Ruben Amorim, 10 milionë euro
Në 2020-ën Sporting de Portugal pagoi 10 milionë euro për Ruben Amorim.
5. Zhoze Murinjo, 8 milionë euro
Në 2010 Real Madrid pagoi 8 milionë euro për të marrë nga Interi Zhoze Murinjon.
6. Unai Emery, 7 milionë euro
Aston Vija pagoi 7 milionë euro për të marrë trajnerin Unai Emery nga Vijareal.
7. Brendan Rodxhers, 6.2 milionë euro
Në vitin 2012 Liverpul pagoi 6.2 milionë euro për Brendan Rodxhers.
8. Mark Hughes, 6.2 milionë euro
Në vitin 2008 Mançester Siti i pagoi 6.2 milionë euro Blakburn Rovers për të marrë Mark Hugues. Uellsiani qëndroi vetëm një vit në “Etihad Stadium”.
9. Ronald Koeman, 6 milionë euro
Nuk bëhet fjalë për ardhjen e tij në Barcelonë, por për nënshkrimin e tij me Everton në 2015-ën. Skuadra i dha çelësat e Goodison Park holandezit dhe pak rëndësi kishte që ai duhej të paguante 6 milionë euro për Sauthempton.
