Gjykata Kushtetuese ka rikthyer edhe njëherë në vëmendje çështjen e ish-anëtarit të Kolegjit të Posaçëm të Apelimit, Luan Daci.
Këtë të premte Gjykata Kushtetuese i ka dhënë të drejtë Luan Dacit, i cili kishte humbur në tre shkallët e gjyqësorit.
Sipas vendimit të publikuar nga kushtetuesja, është vendosur prani i pjesshëm i kërkesës së Dacit dhe shfuqizuar vendimin e tre gjykatave si dhe dërgimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar.
“Shfuqizimi i vendimeve nr. 32, datë 01.12.2020 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 5, datë 08.03.2021 të Gjykatës së Posaçme të Apelit për Korrupsionin dhe Krimin e Organizuar; nr. 00-2021-670 (63), datë 26.10.2021 të Kolegjit Penal të Gjykatës së Lartë, si të papajtueshme me Kushtetutën e Republikës së Shqipërisë. Kthimi i çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar”, është ky njoftimi i Gjykatës Kushtetuese.
Luan Daci, më herët është dënuar me 6 muaj burg, dënim që u konvertua më pas në shërbim prove duke i ndaluar atij të ushtrojë funksione publike, me akuzën e falsifikimit të dokumenteve për të marrë postin si anëtar i KPA-së./btvnews.al