Dailymail i ka kushtuar një artikull të gjatë situatës së emigrantëve shqiptarë në Mbretërinë e Bashkuar, duke u ndaluar tek deklaratat dhe akuzat e sekretares së Brendshme të MB , si edhe tek kundërpërgjigjet e kryeministrit Edi Rama.
“Kryeministri shqiptar Edi Rama akuzoi Suella Braveman se po ushqen ksenofobinë lidhur me komentet për emigrantët”, shkruan Dailymail.
Më tej artikuilli vijon: Edi Rama tha se Mbretëria e Bashkuar ka qenë fener për botën sa i përket integrimit të njerëzve që vijnë nga jashtë, por tani pretendon se ka një kulturë për të gjetur ‘koka turku’ lidhur me krizën e emigracionit, ndërsa politikat e tyre të dështuara janë fajtore. Rama tha se ishte i neveritur nga gjuha e sekretares së Brendshme, e cila pretendoi se kishte një ‘pushtim’ të Anglisë nga emigrantë që kalonin Kanalin.
Zonja Braverman ka veçuar shpesh azilkërkuesit shqiptarë pasi numri i tyre që kalonin Kanalin me varka të vogla u rrit në spirale. Ajo ka konsideruar gjithashtu negocimin e një ‘rruge’ me kombin për të larguar më shpejt azilkërkuesit shqiptarë të dështuar nga MB.
Më herët ajo tha: ‘Nëse Laburistët do të ishin në krye, ata do të lejonin të gjithë kriminelët shqiptarë të vinin në këtë vend, ata do të lejonin të gjitha varkat e vogla të vinin në MB, ata do të hapnin kufijtë tanë dhe do të minonin totalisht besimin e popullit britanik në kontrollin e sovranitetit tonë”.
Kryeministri Rama i pyetur se çfarë mund të jetë pasoja e kësaj gjuhe për shqiptarët e vendosur në Britaninë e Madhe, ai tha: “Nuk vjen për mirë. Kjo lloj gjuhe nuk është një politikë, nuk është një program, nuk është një vizion, nuk është gjë tjetër veçse të nxisë ksenofobinë.
“Britania ishte një model dhe tani po bëhet, nuk e di, si një çmendinë”. I pyetur nëse do të punonte me qeverinë dhe agjencitë e Mbretërisë së Bashkuar për të ndaluar bandat e trafikimit, ai tha se vendi i tij tashmë punon me agjencitë e MB.
“Nuk janë profesionistë të mëdhenj në Mbretërinë e Bashkuar. Problemi është kjo retorikë politike e marrëzive”, tha ai.
“Përpjekja për të goditur emigrantët shqiptarë me varka të vogla pësoi një pengesë të madhe mbrëmë pasi kryeministri i vendit akuzoi Mbretërinë e Bashkuar për ‘diskriminim’ ndaj popullit të tij. Z. Rama, i cili ka qenë lider i Shqipërisë që nga viti 2013, kërkoi ‘respekt të ndërsjellë’ dhe tha se ishte ‘çmenduri’ të fajësosh vendin e tij për problemet e emigracionit dhe krimit në Mbretërinë e Bashkuar. “MB duhet të luftojë bandat e krimit të të gjitha kombësive dhe të ndalojë diskriminimin e shqiptarëve për të justifikuar dështimet e politikave”, shkruan Dailymail.
Ministrat aktualisht po hartojnë plane për të deportuar mijëra azilkërkues shqiptarë, pasi ata mbërrijnë në një përpjekje për të lehtësuar krizën e migracionit në Kanal.
Ata duan të shmangin dhënien e kohës atyre që nuk marrin azil për të nisur një apel kundër vendimit duke i dërguar ata në Evropën Lindore ‘brenda disa ditësh’. Ministri i Emigracionit Robert Jenrick tha për Telegrafin se shqiptarët po ‘abuzonin’ me aktin dhe po vononin përpjekjet për dëbim. Një deri në dy përqind e të rinjve shqiptarë besohet se kanë tentuar të kalojnë Kanalin, sipas një zyrtari të lartë të Forcave Kufitare.
