Ditën e Shtunë datë 12 Nëntor, opozita ka thirrur në Tiranë një protestë mbarëkombëtare për të shprehur indinjatën ndaj qeverisë.
Kur na ndajnë edhe dy ditë nga kjo protestë, qytetarët tregojnë arsyet e pjesëmarrjes dhe mospjesëmarrjes në këtë tubim.
Pjesa më e madhe e qytetarëve që u prononcuan për Tv Bulqiza shprehen se arsyeja e pjesëmarrjes në këtë protestë janë çmimet e larta dhe rritja e kostos së jetesës.
Rritja e çmimeve të produkteve të shportës, karburanteve, proceseve bujqësore, farave, plehrave kimike etj, janë disa nga arsyet që ata renditin.
Ndërkohë, shumë qytetar kërkojnë mbështetje financiare si me rritjen e pensioneve, pagave e ndihmës ekonomike. Opozita ka lajmëruar mbajtjen e një proteste kombëtare ditën e shtunë ora 16:00 në Tiranë./btvnews.al