Një shpërthim i fuqishëm ka ndodhur këtë të diel në një prej rrugëve më të populluara të Stambollit në Turqi.
Mediat vendase bëjnë me dije se shpërthimi ka qenë i fuqishëm dhe ka shkaktuar kaos në zonë. Mësohet se në vendin e ngjarjes kanë shkuar forca të shumta policie dhe ekipe mjekësore, ndërkohë që raportohet për të plagosur dhe të viktima.
Guvernatori i Stambollit Ali Yerlikaya në një deklaratë në rrjetet sociale ka sqaruar se shpërthimi ka ndodhur rreth orës 16:00 me orën lokale.
“Një shpërthim ka ndodhur në lagjen Beyoğlu, në rrugën Taksim Istiklal. Në vendngjarje janë dërguar ekipet tona të sigurisë, shëndetësisë, zjarrfikësve dhe policisë. Ka viktima dhe të plagosur”, tha ai.
istiklal caddesi'ndeki patlama anı pic.twitter.com/3fM5KRQLWW
— fırat (@firatfstk) November 13, 2022
Në pamjet e pasqyruara është regjistruar se ka pasur zhurmë shpërthimi dhe flakët, ndërsa qytetarët u shpërndanë të tmerruar./btvnews.al