Sulmuesi i Manchester United dhe Portugalisë, Cristiano Ronaldo ka arritur një tjetër rekord. Sulmuesi i njohur përveç rekordeve që vendos në fushën e blertë, arrin rekorde dhe jashtë saj.
Këtë të hënë ai ka arritur shifrën e 500 milionë ndjekësve në rrjetin social Instagram dhe bëhet personi i parë që kap këtë shifër.
Sulmuesi portugez u bë personi më i ndjekur në Instagram kur arriti në 237 milionë ndjekës në shtator 2021. Në shkurt të vitit 2022 ai arriti në 400 milionë dhe në vetëm 9 muaj Ronaldo krijoi një tjetër rekord.
Rekordi i fundit i Ronaldos nuk ishte aspak befasi, pasi ai muajt e fundit është një ndër personat më të përfolur në media, për shkak të situatës së tij me klubin e United.
Po ashtu pak ditë më parë, ai dhe Lionel Messi pozuan së bashku në një tabelë shahu dhe fotografia u bë menjëherë virale./btvnews.al