Cristiano Ronaldo është zyrtarisht pa ekip. Manchester United ka zyrtarizuar sot ndërprerjen e marrëveshjes me futbollistin portugez, si pasojë e deklaratave bombastike që dha pak ditë më parë ku akuzoi klubin e trajnerin për paaftësi.
Në një deklaratë në faqen zyrtare ‘djajtë e kuq’ njoftojnë se kanë arritur marrëveshje me portugezin që ky i fundit të largohet.
Por edhe pse marrëdhëniea mes klubit dhe lojtarit u komplikua në javët e fundit, sërish ka një falënderim për yllin portugez për punën e bërë prej tij.
DEKLARATA E MANCHESTER UNITED:
Cristiano Ronaldo do të largohet nga Manchester United me marrëveshje të përbashkët, me efekt të menjëhershëm.
Klubi e falënderon për kontributin e tij të jashtëzakonshëm në dy periudha në Old Trafford, duke shënuar 145 gola në 346 paraqitje.
Të gjithë në Manchester United mbeten të përqendruar në vazhdimin e përparimit të ekipit nën drejtimin e Erik ten Hag dhe të punojnë së bashku për të dhënë sukses në fushë./btvnews.al