Këngëtarja me origjinë shqiptare, Rita Ora është bërë pjesë e thesarit të pullave postare të Postës së Kosovës.
Pulla me imazhin e saj do të dalë në qarkullim të shtunën, në ditën e lindjes së saj, 26 Nëntor.
Pas publikimit të këtij lajmi nga Posta e Kosovës, ka ardhur një reagim dhe nga këngëtarja e cila shprehet se është shumë e nderuar.
“Më është dedikuar një pullë postare për të më nderuar, shumë faleminderit”, shkroi këngëtarja duke ripublikuar njoftimin e drejtoreshës së Postës në Kosovës.
Nga posta është bërë me dije se pulla për Rita Orën është bërë “si dhuratë simbolike e Kosovës për këngëtaren tonë, në këtë ditë të veçantë për të, për kontribut të jashtëzakonshëm për vendin dhe kombin tonë”./btvnews.al