Gana mundi Korenë e Jugut 3-2 dhe mori fitoren e parë në Grupin H në Kupën e Botës. Ndeshja ishte plot emocion dhe spektakël, pasi të dyja skuadra kërkuan me ngulm fitoren në këtë sfidë.
Skuadra afrikane arriti që të kalonte e para në avantazh me dy gola që në pjesën e parë. Kur u duk se mund të arrinte që të fitonte me lehtësi këtë sfidë, Koreja e Jugut reagoi dhe barazoi rezultatin brenda 5 minuta në fillim të pjesës së dytë.
Ganezët edhe pse ishin nën presion arritën që të shënonin golin e tretë dhe e ruajtën avantazhin deri në fund.
Me tri pikët e marra, Gana e ka në dorë vetë fatin për t’u kualifikuar në të 16-at. Sfida e fundit do të jetë kundër Uraguait. Ndërsa Koresë së Jugut i duhet një mrekulli ndaj Portugalisë./btvnews.al