Kroacia është skuadra e parë që ka prekur gjysmëfinalet. Skuadra ballkanike ka arritur që të eliminojë Brazilin, që shihej një nga favoritët për të fituar Botërorin.
Ndeshja ishte që nga fillimi deri në fund e balancuar dhe për 90 minuta rrjetat mbetën të paprekura. Në minutat shtesë Brazili me anë të Nejmar arriti që të kalonte në avantazh dhe të gjithë besuan se skuadra nga Amerika Latine do të kualifikohej për me tej.
Por në pjesën e dytë shtesë kroatët barazuan dhe ndeshja shkoi drejt penalltive. Brazilianët nga pika e bardhë nuk ishin të saktë, pasi gabuan dy herë me Rodrigo dhe Markinjos, ndërsa kroatët shënuan 4 herë.
Kështu Kroacia shkon në gjysmëfinale dhe pret kundërshtarin nga ndeshja e mbrëmjes, mes Holandës dhe Argjentinës./btvnews.al