Një aksident pa pasoja në njerëz ka ndodhur mesditën e sotme në Bulqizë. Policia e qytetit sqaron se aksidenti ka ndodhur në aksin rrugor Bulqizë-Shupenzë në vendin e quajtur “3 çezmat”.
Mësohet se shtetasi T.A. duke drejtuar makinën e tij tip “Ford” ka humbur kontrollin dhe është përplasur me një makinë “Benz” të parkuar. Nga aksidenti fatmirësisht nuk ka të plagosur, por vetëm dëme materiale.
“Rreth orës 13.45, në aksin rrugor Bulqizë-Shupenzë në vendin e quajtur ‘3 çezmat’ , shtetasi T. A., duke drejtuar automjetin tip ‘Ford’, ka humbur kontrollin dhe ka goditur mjetin e parkuar tip ‘Benz’, në pronësi të shtetasit H. K., duke shkaktuar vetëm dëme materiale.
Shërbimet e Policisë Rrugore në përfundim të veprimeve të para procedurale kanë ndëshkuar me masë administrative shtetasin T. A..”, njofton policia./btvnews.al