Francë – Bûche de Noël
Bûche de Noël përkujton traditën e prerjes dhe djegies së një trungu të zgjedhur posaçërisht të njohur si trungu i Yule. Kjo traditë pagane është futur në festën e krishterë shumë shekuj më parë.
Edhe pse ka shumë variante, një nga llojet më të zakonshme përgatitet me krem të trashë, pluhur kakao, vezë, sheqer dhe ekstrakt vanilje. Ajo zakonisht zbukurohet me sheqer pluhur dhe fruta, shkruan Agroweb.
Rusi – Shuba
Ndërkohë që shumica e vendeve e festojnë Krishtlindjen me 25 dhjetor, Rusia është një nga vendet e pakta që e feston më 7 janar, në përputhje me kalendarin ortodoks Julian.
Përbërësit kryesorë të kësaj sallate tradicionale që konsumohet gjatë Krishtlindjes, janë peshk i konservuar, vezë të ziera fort, majonezë dhe perime të grira si karotat, panxhari, patatet dhe qepët.
Etiopi – Yebeg wot
Kjo pjatë përmban mish qengji dhe një salcë domatesh të përzier me qepër, hudhër dhe përbërës të tjerë tipikë të zonës. Ajo shoqërohet me një lloj buke tipike Etiopiane.
Javë para festave, fermerët ushqejnë qengjat me një regjim të lartë në kalori. Kjo bën që mishi të jetë shumë i yndyrshëm dhe i butë.
Peru – Çokollatë e nxehtë me erëza
Kjo çokollatë e nxehtë kremoze, me qumësht të kondensuar dhe një kombinim erëzash, si kanella, karafili dhe arrëmyshky, është variant më i mirë i çokollatës së shkrirë që mund të provoni ndonjëherë. Një pije tipike festash e cila shpesh shoqërohet me një tortë popullore në Peru të njohur si paneton.
Angli – Byreku i Krishtlindjes
Ky byrek i ëmbël në formë jo të zakonshme rrethore, është një ëmbëlsirë shumë e njohur Angleze. Shumica e varieteteve përbëhen nga brumi i pastiçerisë, mollë të thata, rrush të thatë, pije alkoolike, gjalpë dhe një përzierje erëzash me arrëmyshk, karafil dhe kanellë.
Filipina – Bibingka
Gjatë sezonit të festave, bibingka shërbehet në mëngjes për 9 dit, deri në natën e Krishtlindjes. Bibingka përbëhet nga mielli i orizit ose oriz, qumësht kokosi, sheqer dhe ujë në të cilin janë gatuar lëkurat e bananës. Vezët, djathi dhe copëzat e kokosit ndonjëherë shtohen si garniturë.
Kanada – Tartat me gjalpë
Një ëmbëlsirë kanadeze që shërbehet gjatë festave të fundvitit. Ato janë tarta të vogla të mbushura me gjalpë, sheqer, shurup panje ose misri, vezë dhe ndonjëherë arra e rrush të thatë.
Izrael – Latkes
E bërë nga përbërës të thjeshtë, si patatet dhe qepët e grira, vezë dhe thërrime buke, e të skuqura në vaj, ato janë një elemet kryesor i festave që shërbehen zakonisht gjatë darkës.
Islanda – Hangikjöt
Shërbyer gjatë Krishtlindjeve, kjo është një nga pjatat më të njohura të festave islandeze. Pjata përmban mish qengji ose delje të tymosur dhe zakonisht shërbehet me bishtaja, patate të lyera me beshamel dhe a lakër të kuqe turshi.
Vietnami – Bahn chung
Kjo pjatë përgatitet duke përdorur oriz, mish derri, fasule, qepë të njoma, salcë peshku dhe erëza si kripë dhe piper. Ajo nderon paraardhësit dhe përpara saj bëhen lutjet për vitin e ardhshëm.
Puerto Riko – Pasteles
Pjesa e brendshme e këtyre “byreçkave” përbëhet nga një përzierje e mishit të derrit të bluar dhe një salcë erëzash të ndryshme. Ndërsa pjesa e jashtme përgatitet duke përdorur një brumë të veçantë të bërë nga bananet jeshile të grira, dhe erëza. Më pas zihen në ujë të nxehtë dhe shërbehen me oriz, mish, peshk, bizele apo salcë.
Shtetet e Bashkuara të Amerikës – Eggnog
Kjo pije bëhet nga qumështi, pana, të bardhat e vezëve të rrahura, të verdhat e vezëve dhe sheqeri, duke përftuar kështu një strukturë kremoze. Shumica e njerëzve e shijojnë atë duke shtuar rum.
Ukrainë – Kutia
Kjo është një pjatë tradicionale e Krishtlindjes. Zakonisht është pjata e parë e vegjetariane, e cila paraprin 11 pjatat e tjera që shërbehen për të përkujtuar 12 apostujt. Disa nga përbërësit e saj janë farat e lulekuqes, frutat e thata dhe mjalti.
Suedi – Janssons frestelse
Një tavë e përbërë nga patate, qepë, beshamel, thërrimet e bukës dhe një peshk i vogël i ngjashëm me sardelet. Origjina e emrit të saj është e diskutueshme, megjithëse shumë besojnë se e ka origjinën nga një këngëtar i njohur i operës i njohur si Pelle Janzon.