Një aksident i rëndë ka ndodhur në aksin rrugor “Gradishtë-Spolat”.
Policia e Divjakës njofton se nga aksidenti ka humbur jetën drejtuesi i mjetit dhe janë plagosur 4 pasagjerët. Lidhur me këtë aksident është ngritur një grup hetimor për zbardhjen e ngjarjes.
NJOFTIMI I PLOTË I POLICISË:
Rreth orës 16:30, në aksin rrugor “Gradishtë-Spolat”, shtetasi L. D., duke drejtuar automjetin tip “Benz” ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë, ka ndërruar jetë drejtuesi i automjetit dhe janë dëmtuar pasagjerët, shtetasit Xh. S., 19 vjeç, R. D., 23 vjeç, F. C., 18 vjeç dhe D. D., 24 vjeç, të cilët ndodhen në spital, nën kujdesin e mjekëve.
Grupi hetimor po punon për zbardhjen e shkaqeve të aksidentit./btvnews.al