Ditën e sotme në aksin rrugor Maqellarë-Peshkopi, një mjet i tonazhit të rëndë ka pësuar një difekt teknik në mes të rrugës. Për pasojë ky segmet është bllokur për rreth një orë.
Për të zhbllokuar situatën në vendgjarje kanë mbërritur efektivët e policisë rrugore.
Në tentativë për të zhvendosur mjetin nga rruga në rrethana ende të paqarta njëra nga gomat e kamionit ka shpërthyer duke lënduar rëndë një nga efektivët e policisë.
Polici me iniciale T.T ka marrë dëmtime të rënda në gjymtyrë dhe është transportuar me urgjencë në spitalin rajonal të Peshkopisë.
Për një mjekim me të specializuar efektivi pritet të trasportohet me helikopter drejt spitalit të traumës në Tiranë.
Njoftimi i Policisë:
Dibër/informacion paraprak
Rreth orës 14.00, në vendin e quajtur ‘Qenok’, aksi rrugor Maqellarë-Peshkopi, një mjet i tonazhit të rëndë kamion ka pësuar defekt duke bllokuar aksin rrugor. Menjëherë patrulla e Policisë Rrugore ka shkuar në vendin e ngjarjes me qëllim menaxhimin dhe hapjen e trafikut për automjetet.
Gjatë momentit që punonjësi i Policisë Rrugore po rregullonte trafikun, ka plasur njëra nga gomat e kamionit dhe është lënduar rëndë punonjësi i policisë rrugore shtetasi T.T.
Punonjësi i Policisë është dërguar në spital dhe ndodhet në gjendje të rëndë shëndetësore pasi ka dëmtuar të dy këmbët.
Grupi hetimor nën drejtimin e Prokurorisë ndodhet në vendngjarje.
Pritet helikopteri i Ministrisë së Shëndetësisë për të transportuar punonjësin e Policisë drejt Tiranës për ndihmë mjekësore më të specializuar. /btvnews.al