Pas triumfit në Kupën e Botës, Lionel Messi, Julian Alvarez, portieri Emiliano Martinez dhe trajneri Lionel Scaloni janë në listën e FIFA-s për çmimin The Best.
Në nominimet e lojtarëve për këtë vlerësim janë edhe Kylian Mbappe me Erling Haaland. Treshes i bashkohen fituesi i vitit të kaluar Robert Leëandoëski i Barcelonës, Kevin De Bruyne, Mohamed Salah, Neymar dhe Achraf Hakimi.
Tre finalistët do të shpallen në fillim të Shkurtit. Nuk mungon fituesi i Topit të Artë, Karim Benzema. Klubet Barça dhe Arsenal dominojnë në kategorinë e femrave.
Ndër trajnerët janë nominuar Carlo Ancelotti dhe Pep Guardiola, por edhe tekniku i Francës, Didier Deschamps apo ai i Marokut, Walid Regragui.
FIFA njoftoi gjithashtu një listë me 11 lojtarë për çmimin Puskas të këtij viti për golin “më të bukur”.