Policia Rrugore e Tiranës nga kontrollet në shumë akse rrugore, për shkelësit e rregullave të qarkullimit ka vënë në pranga disa persona.
Në një njoftim për mediat, policia sqaron se 13 shtetas janë arrestuar dhe proceduar për drejtim automjeti, në gjendje të dehur ose pa leje drejtimi.
Po ashtu bëhet me dije se 78 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
Gjithashtu, vëmendje e veçantë gjatë kësaj jave është kushtuar për mosrespektimin e tabelës “Stop” dhe për këtë shkelje janë vendosur 109 masa administrative./btvnews.al