Pas tërmetit të rënë mbrëmjen e së dielës frika dhe pasiguria e banorëve të një pallati te “Lagjia e Re” në Bulqizë është shtuar ndjeshëm.
Frika nga një shembje e mundshme ka alarmuar dhe institucionet shtetërore.
Paraditën e sotme forcat e policisë kanë rrethuar me shirit pallatin dhe kanë detyruar banorët të braktisin banesat e tyre.
Shqetësimi për shembjen e këtij pallati është permanent dhe Bashkia e Bulqizës nuk ka marrë asnjë masë për sistemimin e familjeve në banesa të tjera.
Kujtojmë se rrezikshmëria që paraqet ky pallat për jetën e banorëve është bërë temë shqetësuese e kronikave të televizionit tonë.
Siç shihet dhe nga pamjet, pallati është dëmtuar dhe është shpallur i pabanueshëm. /btvnews.al