Prefekti i Qarkut Dibër i cili është njëkohësisht edhe kryetar i Shtabit të Mbrojtjes Civile për këtë qark, Nexhbedin Shehu tha se të gjitha grupet e konstatimit janë në terren për të verifikuar çdo ankesë të bërë nga banorët e Bashkive Klos e Mat.
Shehu tha se paralelisht po asistohet në ndihma për familjet që rezultojnë vërtetë të dëmtuara nga tërmeti duke ju ardhur në ndihmë me pako ushqimore, veshje, çadra etj.
Sipas prefektit Shehu pas konstatimit paraprak dhe verifikimit të çdo ankese, grupet e specialistëve do të nisin menjëherë nga puna për përllogaritjen e dëmeve./btvnews.al