Dy prindër nga Maqellara kanë denoncuar mbrëmjen e sotme se tre vazjat e tyre të mitura janë larguar nga banesa.
Pas denoncimit policia ka ngritur nje grup hetimor dhe pas kërkimeve dhe shkëmbimit të informacionit me drejtorit e tjera të policisë është bërë e mundur gjetja e tyre në Tiranë.
Policia në një njoftim për mediat bën me dije se tre vajzat gëzojnë shëndet të plotë, por ende nuk dihet arsyeja se si ato janë larguar.
NJOFTIMI I PLOTË
Me datë 22.01.2023, rreth orës 19.30, në Postën e Policisë Maqellarë janë paraqitur dhe kanë bërë kallzim shtetasit: L.P., dhe M.H., të cilët kanë deklaruar se janë larguar nga banesa pa adresë tre vajzat e tyre të mitura.
Menjëherë është bërë shpallja në kërkim dhe si rezultat i shkëmbimit të informacionit dhe veprimeve të mirë koordinuara me shërbimet e DVP Tiranë, është bërë e mundur gjetja e tre shtetasve të mitura në Tiranë, të cilat janë shoqëruar nga Policia në Komisariatin nr 1.
Të miturat ndodhen në gjendje të mirë shëndetësore dhe po meren në pyetje në prani të psikologut./btvnews.al