Një tjetër pastruese është arrestuar në Tiranë për vjedhje në banesën që mirëmbante në rrugën “Vaso Pasha”.
Gjatë kontrollit të çantës së shtetases Elida Kodrës policia gjeti dhe sekuestroi në cilësinë e provës materiale, 840 euro, 600 dollarë dhe 40 900 lekë të reja.
Pas raportimit se në një banesë në rrugën “Vaso Pasha” ishin vjedhur para, policët e komisariatit Nr. 2 finalizuan operacionin policor të koduar “Gracka”.
Nga provat e siguruara gjatë hetimit ka rezultuar se ajo ishte e punësuar për mirëmbajtjen e banesës së qytetarit Z. E., në rrugën “Vaso Pasha” dhe gjatë javës së fundit ka vjedhur në këtë banesë, 2000 euro, 300 dollarë dhe 35 000 lekë të rinj.
“Tiranë/Finalizohet nga Komisariati i Policisë Nr. 2, operacioni policor i koduar “Gracka”. Vodhi shuma parash në një banesë, vihet në pranga ish-punonjësja e mirëmbajtjes së kësaj banese. Sekuestrohen 840 euro, 600 dollarë dhe 40 900 lekë të rinj. Shërbimet e Komisariatit të Policisë Nr. 2, në vijim të punës për goditjen e paligjshmërive në fushën e vjedhjes së pronës dhe pasurisë, bazuar dhe në provat e siguruara gjatë një pune të mirëfilltë hetimore për vjedhjen e disa shumave parash, në një banesë në rrugën “Vaso Pasha”, kanë organizuar dhe finalizuar operacionin policor të koduar “Gracka”. Si rezultat i këtij operacioni u bë ndalimi i shtetases E. K., banuese në Tiranë. Nga provat e siguruara gjatë hetimit ka rezultuar se shtetasja E. K., e cila ka qenë e punësuar për mirëmbajtjen e banesës së shtetasit Z. E., në rrugën “Vaso Pasha”, gjatë javës së fundit ka vjedhur në këtë banesë, 2000 euro, 300 dollarë dhe 35 000 lekë të rinj. Gjatë kontrollit të çantës së shtetases E. K., shërbimet e Policisë gjetën dhe sekuestruan në cilësinë e provës materiale, 840 euro, 600 dollarë dhe 40 900 lekë të rinj”, sipas policisë.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme. /btvnews.al