Dy shqiptarë janë arrestuar nga autoritetet greke në Aigaleo, pasi akuzohen se janë pjesë e një grupi kriminal që merrej me trafikun e drogës. Sipas mediave vendase, dy të arrestuarve iu gjetën dhe sekuestruan 122 kg marijuanë, 17 kg kokainë, dhe materiale të tjera për përpunimin e lëndëve narkotike.
Gjithashtu gjatë operacionit u sekuestruan dhe një armë zjarri pistoletë, 2 krehëra, 179 fishekë luftarak, 3 celularë dhe 2 automjete.
Mësohet se lënda narkotike që kapte vlerën e 820 mijë Eurove, u gjet në një banesë dhe brenda një depoje në pronësi të shqiptarëve.
Policia po vijon punën për zbardhjen e plotë të aktivitetit të dy shqiptarëve, por po hetohet dhe nëse ka persona të tjerë të përfshirë në këtë aktivitet kriminal./btvnews.al