Grupimi i Enkelejd Alibeajt në Partinë Demokratike, ka prezantuar ditën e sotme një tjetër kandidate për zgjedhje lokale të 14 Majit.
Eriselda Zotaj Çelaj, është propozuar dhe përzgjedhur për të garuar për bashkinë e Fierit. Sipas një njoftimi për mediat sqarohet se Çelaj, ka lindur dhe jeton në Fier në një familje demokrate
Ajo është e martuar dhe nënë e dy fëmijëve, për sa i përket shkollimit ka studiuar dhe është diplomuar në Fakultetin e Shkencave Shoqërore, Departamenti Ekonomik, Dega “Kontabilitet-Financë në Gjirokastër me titullin Kontabilist”.
Ajo ka qenë e angazhuar në jetën publike në Fier, si në aspektin profesional, ashtu dhe atë politik.
Në politikë Eriselda është futur që në moshë të re duke qenë prej vitit 2003 pjesë e Forumit Rinor të PD dhe më pas si anëtare e Lidhjes Demokratike të Gruas, e deri me sot ne pozicionin e Kryetares se Grupseksionit dhe Anëtare e Kryesisë së Degës./btvnews.al