Një aksident me pasojë plagosjen e dy drejtuesve të mjeteve ka ndodhur mbrëmjen e së shtunës në Gjoricë.
Policia sqaron se në aksident janë përfshirë një automjet tip “Audi” dhe një zetor. Dy të plagosurit kanë marrë dëmtime të lehta dhe janë jashtë rrezikut për jetën.
NJOFTIMI I PLOTË
Në vendin e quajtur “Ura e Drinit” në Gjoricë, automjeti tip “Audi”, me drejtues shtetasin D. M., është përplasur me automjetin bujqësor tip ‘Zetor’, me drejtues shtetasin F.D.
Si pasojë e përplasjes janë lënduar lehtë dy drejtuesit e automjeteve. Pas ndihmës së parë mjekësore dy drejtuesit kanë dalë nga spitali.
Grupi hetimor po punon për zbardhjen e rrethanave të aksidentit./btvnews.al