Një ngjarje e rëndë dhe e paprecedentë ka ndodhur në Elbasan mëngjesin e sotëm.
Një 13-vjeçar, i cili dyshohet vuante nga somnambulizmi, ose e njohur ndryshe si ecja e pavetëdijshme në gjumë, ka rënë aksidentalisht nga ballkoni i pallatit dhe ka ndërruar jetë.
Ngjarja ka ndodhur rreth orës 05:15 të mëngjesit , në lagjen “Emin Matraxhiu” në Elbasan.
Njoftimi i Policisë:
“Rreth orës 05:15 të mëngjesit të sotëm, në lagjen “Emin Matraxhiu”, Elbasan, ka rënë aksidentalisht nga ballkoni i pallatit, 13-vjeçari A.M, i cili ka ndërruar jetë. Nga veprimet e para hetimore rezulton se 13 vjeçari kishte probleme me gjumin (vuante nga Somnambulizmi, të ecurit gjatë gjumit) dhe në momentin e rënies nga ballkoni 13 vjeçari ka qenë vetëm në banesë. Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes./btvnews.al