E diel, 20 Prill, 2025

Policia i sekuestron 32-vjeçarit rreth 62 mijë Euro, nuk i deklaroi në kufi

Policia Kufitare në Morinë ka sekuestruar një sasi të madhe parash, që nuk u deklaruar tek autoritetet doganore. Pas dyshimeve autoritetet kaluan në vijën e dytë, për kontroll më të imtësishëm, një automjetin tip “Volkswagen” që drejtohej nga 32-vjeçari me iniciale Q.L.

Gjatë kontrollit fizik ndaj pasagjerit të tij u gjetën dhe sekuestruan 61 900 Euro, të cilat ai nuk i kishte deklaruar.

NJOFTIMI I PLOTË

Si rezultat i kontrolleve, goditet një tjetër rast i mosdeklarimit të të hollave në kufi. Sekuestrohen 61 900 euro, procedohet penalisht 32-vjeçari që nuk i deklaroi në PKK Morinë.

Shërbimet e Policisë Kufitare në Morinë, në vijim të punës për goditjen e paligjshmërive në kufi, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, automjetin tip “Volkswagen”.

Gjatë kontrollit fizik ndaj pasagjerit të këtij automjeti, shtetasit Q. L., shërbimet e Policisë gjetën dhe sekuestruan 61 900 euro, të cilat ai nuk i kishte deklaruar, sipas përcaktimeve ligjore në fuqi.

Në përfundim të veprimeve hetimore, specialistët e Seksionit për Hetimin e Krimeve Ekonomike e Financiare të DVP Kukës referuan materialet në Prokurori dhe nisi procedimi në gjendje të lirë për shtetasin Q. L., 32 vjeç, banues në Itali, për veprën penale “Mosdeklarimi në kufi i të hollave dhe i sendeve me vlerë”.

Materialet iu referuan Prokurorisë pranë Gjykatës së Rrethit Gjyqësor Kukës, për veprime të mëtejshme./btvnews.al

Artikuj te ngjashem

Me te fundit