E sotmja nuk ishte dita e Marash Kumbullës. Ndeshja në shtëpi e Romës me Sassuolon ka përfunduar pas 44 minutash për mbrojtësin e Shqipërisë.
Kumbulla, në përpjekje për të mbrojtur një top, goditi Berardin. Arbitri akordoi penallti, ndërkohë që nuk mungoi kartoni i kuq për futbollistin e përfaqësueses tonë.
Trajneri Mourinho e ka preferuar Kumbullën vetëm disa herë këtë sezon, pasi ka menduar se të tjera alternativa janë të duhura. Ky episod me shumë mundësi do t’i kushtojë shumë lojtarit, duke ditur edhe karakterin e teknikut portugez.