Tregtia ka shfaqur shenja të forta ngadalësimi në tremujorin e fundit të vitit 2022, duke reflektuar një frenim të konsumit, si rrjedhojë e çmimeve të larta.
Ndërsa kanë rezistuar shërbimet, sidomos ato të lidhura me hotelerinë e turizmin. Edhe konsumi në bare e restorante është rritur.
Ajo që konstatohet në tremujorin e fundit është një rritje e ndjeshme e pagave nga të gjithë sektorët e shërbimeve, me ritme dyshifrore, përballë presionit të emigracionit. Të dhënat u bënë të ditura nga INSTAT, në publikimin për prodhuesit e shërbimeve në tremujorin e katërt 2022.
Ngadalësohet tregtia me shumicë dhe pakicë, riparimi i automjeteve dhe motorçikletave
Indekset e treguesve në aktivitetin Tregti, e cila përfshin tregti me shumicë, tregti me pakicë dhe riparimi i automjeteve dhe motorçikletave, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 1,1 %, krahasuar me tremujorin e katërt 2021;
– Indeksi i numrit të të punësuarve shënoi rritje 3,5 %, krahasuar me tremujorin e katërt 2021;
– Indeksi i fondit të pagave shënoi rritje 14,3 %, krahasuar me tremujorin e katërt 2021.
Transport, Magazinim dhe Postë, vetëm 0.2% rritje
Indekset e treguesve në aktivitetin Transport, Magazinim dhe Postë, i cili përfshin transportin Hekurudhor të mallrave, Detar, Ajror, Magazinimin dhe aktivitetin Postar, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 0,2 %, krahasuar me tremujorin e katërt 2021;
– Indeksi i numrit të të punësuarve shënoi rritje 3,6 %, krahasuar me tremujorin e katërt 2021;
– Indeksi i fondit të pagave shënoi rritje 32,5 %, krahasuar me tremujorin e katërt 2021.
Hotelet me rritje dy shifrore
Indekset e treguesve në aktivitetin Hotele, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 16,7 %, krahasuar me tremujorin e katërt 2021;
– Indeksi i numrit të të punësuarve shënoi rritje 15,1 %, krahasuar me tremujorin e katërt 2021;
– Indeksi i fondit të pagave shënoi rritje 39,0 %, krahasuar me tremujorin e katërt 2021.
Edhe bar restorantet me rritje
Indekset e treguesve në aktivitetin Bar-Restorante, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 13,4 %, krahasuar me tremujorin e katërt 2021;
– Indeksi i numrit të të punësuarve shënoi rritje 1,0 %, krahasuar me tremujorin e katërt 2021;
– Indeksi i fondit të pagave shënoi rritje 23,1 %, krahasuar me tremujorin e katërt 2021
Informacion dhe Komunikacion me zgjerim
Indekset e treguesve në aktivitetin Informacion dhe Komunikacion, i cili përfshin aktivitetin e Publikimit, Telekomunikacionit si dhe shërbimet e Teknologjisë së Informacionit, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 17,6 %, krahasuar me tremujorin e katërt 2021;
– Indeksi i numrit të të punësuarve shënoi rritje 21,8 %, krahasuar me tremujorin e katërt 2021;
– Indeksi i fondit të pagave shënoi rritje 46,2 %, krahasuar me tremujorin e katërt 2021.
Aktivitete Arkitekture dhe Inxhinierike me rënie
Indekset e treguesve në aktivitete Arkitekture dhe Inxhinierike, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rënie 17,0 %, krahasuar me tremujorin e katërt 2021;
– Indeksi i numrit të të punësuarve shënoi rritje 5,3 %, krahasuar me tremujorin e katërt 2021;o
– Indeksi i fondit të pagave shënoi rritje 18,0 %, krahasuar me tremujorin e katërt 2021.
Agjencitë e udhëtimit, ecuri pozitive
Indekset e treguesve në aktivitetin Agjenci udhëtimi, në tremujorin e katërt 2022, paraqiten si më poshtë:
– Indeksi i shitjeve neto në volum shënoi rritje 44,2 %, krahasuar me tremujorin e katërt 2021;
– Indeksi i numrit të të punësuarve shënoi rritje 25,4 %, krahasuar me tremujorin e katërt 2021;
– Indeksi i fondit të pagave shënoi rritje 50,0 %, krahasuar me tremujorin e katërt 2021./Monitor.al