Meta, kompania mëmë e Facebook dhe Instagram, po shqyrton ndalimin e reklamave politike nga platforma e saj në Evropë.
Ky vendim është marrë sepse nuk do të jetë në gjendje të respektojë 3 ligjet e fushatës së BE-së. Pasi unioni po propozon një sërë rregullash për platformat e mëdha si Facebook dhe Google, të cilat do t’i detyrojnë ata të zbulojnë informacione rreth reklamave politike.
Sipas The Guardian, zyrtarët janë veçanërisht të interesuar se sa i gjerë do të jetë qëllimi i termit “reklamim politik” dhe sa e vështirë do të jetë për platformën t’u përmbahet rregullave.
Në këtë kontekst Meta po shqyrton nëse është më e lehtë të refuzohen të gjitha reklamat politike për të mos shkelur rregullat e BE-së.
Ndikimi në të ardhurat e kompanisë nuk do të jetë i rëndësishëm sepse reklamat politike sjellin relativisht pak të ardhura. Të ardhurat në SHBA ishin 800 milionë dollarë midis 2019 dhe 2020, më pak se 1% e të ardhurave totale nga reklamat./btvnews.al