Qeveria britanike ka gjobitur me 12.7 milion paund aplikacionin TikTok, për shklej të ligjit për mbrojten e të dhënave personale të fëmijëve nën moshën 13 vjeç, pa pëlqimin e prindërve.
Aplikacioni video në pronësi kineze nuk kishte bërë mjaftueshëm për të kontrolluar se kush po përdorte platformën dhe për të hequr fëmijët e mitur që ishin, tha të martën Zyra e Komisionerit të Informacionit.
Në një deklaratë, komisioneri i informacionit John Edwards tha se “Ka ligje në fuqi për të siguruar që fëmijët tanë të jenë po aq të sigurt në botën digjitale sa janë në botën fizike. TikTok nuk iu përmbajt atyre ligjeve.
“Si pasojë, rreth një milion nën 13 vjeç iu dha akses në mënyrë të papërshtatshme në platformë, me TikTok duke mbledhur dhe përdorur të dhënat e tyre personale. Kjo do të thotë se të dhënat e tyre mund të jenë përdorur për t’i gjurmuar dhe për t’i profilizuar, duke ofruar potencialisht përmbajtje të dëmshme dhe të papërshtatshme në rrotullën e tyre të ardhshme. Gjoba jonë prej 12.7 milion paundësh pasqyron ndikimin serioz që mund të kenë pasur dështimet e tyre. Ata nuk bënë mjaftueshëm për të kontrolluar se kush po përdorte platformën e tyre ose nuk ndërmorën veprime të mjaftueshme për të hequr fëmijët e mitur që përdornin platformën e tyre” deklaroi Edwards.
SHBA, Australia dhe disa shtete evropiane kanë ndalur përdorminin e TikTok për pajisjet qeveritare, me qëllim mbrojtjen e të dhënave.