Champions League do të rezevojë mbrëmjen e sotme, spektakël dhe emocione. Të dyja sfidat premtojnë shumë, pasi në njërën anë luhet Napoli-Milan, një derbi italian, e nga ana tjetër Reali përballet me anglezët e Chelsea.
Të dyja sfidat janë shumë interesante, pasi kërkohet një biletë në gjysmë finalet. Milani dhe Napoli përballen sërish pas ndeshjes në fundjavën e kaluar, ku kuqezinjtë fituan me rezultatin 4 me 0.
Sfida tjetër është ajo mes Real Madrid dhe Chelseas. Madrilenët vijnë në këtë akt të parë të çerekfinales si kampionët në fuqi dhe duke larë duart me kampionatin, gjithë bateritë tashmë janë në Champions.
Ancelotti me të tijtë duket se janë në habitatin e vet sonte dhe presin një fitore bindëse. Në krahun tjetër, Blutë e Londrës nëse fitojnë dhe kualifikohen mund të shpëtojnë sezonin, pasi deri tani kanë treguar se janë jashtë objektivave./btvnews.al