Manchester City, apo Real Madrid? Një prej këtyre dy skuadrave do të përballet me Interin në finalen e Champions League që luhet në 10 Qershor. Këto dy ekipe do t’i japin jetë një super përballje, më prestigjozen e mundshme duke u rinisur nga barazimi i ndeshjes se parë në Madrid.
Pep Guardiola në deklaratën e fundit para ndeshjes tha se skuadra e tij duhet të fitojë me patjetër Championsin, në mënyrë që të meritojë staturën e të qenit në elitën e futbollit europian.
Në krahun tjetër Reali është një ekip ekspert, rekordmen i Europës me 14 trofe dhe nuk është kurrë e lehtë ta nxjerrësh jashtë.
Por pak rëndësi ka se cila kalon në finale, e sigurt është që bota do të përjetojë një spektakël të vërtetë./btvnews.al