Sulmuesi Karim Benzema, që është fituesi në fuqi i Topit të Artë, do të largohet nga Real Madrid. Lajmi bëhet me dije nga mediat ndërkombëtare, të cilat tregojnë dhe destinacionin e futbollistit.
Sipas ESPN, Benzema nuk do të rinovojë kontratën dhe do të bashkohet me kampionët e Arabisë Saudite, Al Ittihad.
Po ashtu sqarohet se atij i është bërë dhe oferta zyrtare me një kontratë dy vjeçare me vlerë 400 milionë Euro.
Benzema iu bashkua Madridit nga Lyon në vitin 2009 si një nga sulmuesit e rinj më të vlerësuar në Evropë. Benzema largohet nga Madridi duke fituar gjithsej 24 trofe. Katër tituj të La Ligës, pesë Liga të Kampionëve, tre Copa del Rey, tre Superkupa spanjolle, katër Superkupa të UEFA-s dhe pesë Kupa të Botës për Klube të FIFA-s.
353 golat e tij me Real Madridit do mbahen mend nga tifozët, teksa në Spanjë janë të sigurt se Benzema i ka komunikuar vendimin edhe klubit./btvnews.al