Inter-Manchester City është finalja e madhe e UEFA Champions League që do të mbahet në Stamboll, në stadiumin “Ataturk Stadium”. Bota mban frymën për aktin e fundit të këtij kompeticioni, teksa tashmë ka filluar numërimi mbrapsht.
Pak më parë janë publikuar edhe formacionet zyrtare. Si Guardiola, ashtu edhe homologu Inzaghi kanë vendosur për titullarët. Nga minuta e parë janë më të mirët dhe sfida premton spektakël.
Makineria perfekte e anglezëve kërkon trofeun e parë të Champions League, ndërsa në krahun tjetër, zikaltërit ëndërrojnë trofeun e katërt në histori.
Për Citizens kjo është finalja e dytë në 3 sezonet e fundit. Interi rikthehet të luajë një takim të këtij niveli pas 13 vitesh.
Formacionet zyrtare:
Manchester City (3-4-2-1): Ederson; Ake, Dias, Akanji; B. Silva, Stones, Rodri, Grealish; De Bruyne, Gundogan; Haaland. Trajner: P. Guardiola.
Inter (3-5-2): Onana; Darmian, Acerbi, Bastoni; Dumfries, Barella, Brozovic, Calhanoglu, Dimarco; Lautaro, Dzeko. Trajner: S. Inzaghi