Një aksident i rëndë është shënuar pasditen e sotme në afërsi të Himarës. Policia në një njoftim për mediat bën me dije se një 40-vjeçar ka humbur jetën pasi makina të cilën ai drejtonte doli nga rruga.
Sipas informacioneve të deritanishme, mësohet se të plagosur kanë mbetur dhe dy pasagjerë që ndodheshin në automjet të cilët janë dërguar në spital ku po marrin ndihmën mjekësore.
“Në fshatin “Shën Vasil” , Himarë, ka dalë nga rruga një automjet që drejtohej nga shtetasi R.B, 40 vjeç, banues në Sarandë. Si pasojë e daljes së automjetit nga rruga ka humbur jetën drejtuesi i automjetit, shtetasi R.B.
Si dhe janë dëmtuar dhe transportuar në spital për ndihmë mjeksore dy shtetas që ishin pasagjerë në këtë automjet. Grupi hetimor po punon për zbardhjen e plotë te rrethanave të ngjarjes”, sqaron policia./btvnews.al