Sali Berisha ka ndarë sot një video në rrjetet sociale, ku shihen disa efektivë të policisë së Shtetit që shuajnë flakët me degët e pemëve. Po ashtu ata shihen pa doreza apo ndonjë masë tjetër.
Berisha teksa ndan videon shkruan “luftë me zjarrin si në mesjetë! Zjarrëfikset në tako! Aeroplani (Ismaili) është per ndenjëset e Ramës! Turp dhe krim! #sb”.
Shqipëria, prej disa ditësh, është kapluar nga zjarret, si në Fier, Vlorë dhe Mallakastër. Vetëm në Vlorë dhe Fier zjarrfikësve u erdhi në ndihmë një helikopter “Cougar”, ndërsa makinat e kanë të vështirë të shkojnë në zonat e përfshira nga zjarret për shkak të terrenit të vështirë.