Zbardhen detaje të reja në lidhje me operacionin mes autoriteteve shqiptare dhe atyre italiane, ku u shkatërrua banda shqiptare që mashtronin shtetasit italianë për të investuar në bursa.
Në dosje thuhet se aktiviteti kryhej në disa Call-Center-a në Tiranë, ku operatorët ishin në garë me njëri-tjetrin për të mbyllur sa më shumë kontrata, pasi nuk kishin besim te njëri-tjetri.
“Operatorët nuk kishin besim tek njëri-tjetri dhe ishin në garë se kush ishte më i zoti për të përmbyllur kontrata dhe për të sjellë fitime, e gjitha kjo në dëm të qytetarëve të pafajshëm, viktima të kësaj gare absurde.
Verifikimet hetimore kanë bërë të mundur gjithashtu përcaktimin dhe identifikimin e teknikëve përgjegjës të grupit të strukturuar të cilët administronin jo vetëm të gjithë infrastrukturën informatike të call center-it të ngritur, por dhe kujdeseshin për të fshehur dhe penguar hetimet ndaj tyre dhe identifikimin e call center-it në fjalë.
Është ushtuar kontroll në 12 banesa ku gjatë kontrollit janë sekuestruar pasije të ndryshme kompjuterike, të cilat kanë kaluar për ekspertim kompjuterik në laboratorin pranë Sektorit të Ekzaminimeve Kompjuterike në Prokurorinë e Posaçme”, shkruhet në dosjen e operacionit. /btvnews.al