Dy persona janë arrestuar pasi kanë përplasur me makinë dy këmbësorë.
Shtetasi Flamur Kolgjini, ka përplasur shtetasen Z. M., 47 vjeçe dhe është larguar nga vendi i ngjarjes, më pas një tjetër drejtues mjeti shtetasi Gojart Bajraktari, 34-vjeç i ka ardhur në ndihmë të plagosurës duke transportuar për në spital, por dyshohet se për shkak të shpejtësisë, ka përplasur me automjet një 30 vjeçare.
Të dy shtetasit e dëmtuar nga aksidentet, marrin asistencë mjekësore, në spital.
Materialet procedurale i kaluan Prokurorisë Pranë Gjykatës së Shkallës së Parë.
Njoftimi i Policisë:
Dibër
Specialistët e Sektorit të Policisë Rrugore të DVP Dibër kanë vënë në pranga shtetasit F. K., 44 vjeç, banues në Durrës dhe G. B., 34 vjeç, banues në Maqellarë. Më datë 02.08.2023, në aksin rrugor “Maqellarë-Peshkopi”, automjeti që drejtonte 44-vjeçari, ka përplasur shtetasen Z. M., 47 vjeçe (këmbësore) dhe më pas, 44-vjeçari është larguar nga vendi i aksidentit. Shtetasi G. B., drejtues i një automjet tjetër, teksa transportonte shtetasen Z. M., në spital, pasi rastësisht e ka konstatuar të dëmtuarën, në rrugë, dyshohet se për shkak të shpejtësisë, ka përplasur me automjet, shtetasin B. M., 30 vjeç (këmbësor).
Të dy shtetasit e dëmtuar nga aksidentet, marrin asistencë mjekësore, në spital.
Materialet procedurale i kaluan Prokurorisë Pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. /btvnews.al