Nje aksident ka ndodhur në rrugën e Arbrit pasi makina doli nga rruga dhe përfundoi në humnerë, por për fat të mirë të dy personat që ndodheshin brenda pësuan dëmtime dhe janë jashtë rrezikut për jetën.
Ngjarja ka ndodhur në afërsi të tunelit numër 2 në fshatin Shkallë të Xibrit.
Dy të rinjtë po marrin ndihmë mjekësore në spital.
Grupi hetimor po kryen hetimet në vendngjarje, për zbardhjen e shkaqeve të aksidentit.
Njoftimi i policisë:
Klos/informacion paraprak
Në fshatin Shkallë, bashkia Klos, shtetasi K.R., 20 vjeç, duke drejtuar automjetin e tij, ka humbur kontrollin mbi drejtimin e mjetit dhe mjeti ka dalë nga rruga. Për pasojë ka mbetur i lënduar drejtuesi i mjetit dhe pasagjeri shtetasi K.K., të cilët po marrin ndihmë mjekësore në spital.
Grupi hetimor po kryen hetimet në vendngjarje, për zbardhjen e shkaqeve të aksidentit. /btvnews.al