Tërmet në Evia të Greqisë, shkatërrohen ndërtesa dhe shemben disa rrugë. Panik te banorët

Epiqendra ndodhet 6 kilometra në lindje të Prokopio Evia dhe thellësia fokale në 14.2 kilometra.
Sipas Institutit Euro-Mesdhetar, tërmeti vlerësohet në shkallën 5.3 Rihter. Shtatë minuta më vonë, një tërmet 3.7 Rihter me thellësi fokale 5 km ndodhi nga e njëjta epiqendër, që u ndje edhe në zona të Atikës.

Sipas raportimeve nga mediat greke, mësohet se ku ka pasur dëme në njerëz, por dëme të konsiderueshme në ndërtesa dhe rrugë pranë epiqendrës të cilat janë shembur.

“Tërmeti ka ndodhur në një zonë malore, nuk ngjall shqetësim”, tha për protothema.gr sizmologu Kostas Papazachos.

Ndërkohë, banorët pranë epiqendrës në Mantoudi, menjëherë pas tërmetit të fortë kanë dalë në rrugë. Nënkryetari i bashkisë Mantoudi, Yiannis Kantzouras tha se, “tërmeti ishte shumë i fortë dhe zgjati shumë, të gjithë kanë dalë në rrugë, qytetarët janë të frikësuar po dridhet nga mundësia e një tërmeti më të madh”.