Një aksident ka ndodhur paraditen e kësaj të enjteje në aksion rrugor Qafë Bualli – Bulqizë.
Një automjet tip “Ford” me drejtues shtetasin G.K., 61 vjeç është përplasur me një autobus me drejtues shtetasin Z.D., 36 vjeç.
Për pasojë drejtuesi i mjetit “Ford” ka pësuar lëndime dhe është dërguar për ndihmë mjekësore në spitalin e Bulqizës.
Njoftimi i Policisë:
Bulqizë/Informacion paraprak
Me datë 30.11.2023, në aksin rrugor Qafë Bualli-Bulqizë, janë përfshirë në aksident automjeti tip “Ford” me drejtues shtetasin G.K., 61 vjeç, me automjetin tip autobuz, me drejtues shtetasin Z.D., 36 vjeç.
Nga përplasja e automjeteve ka mbetur i dëmtuar vetëm shtetasi G.K., i cili po merr ndihmë mjekësore në spitalin e Bulqizës.
Grupi hetimor ndodhet në vendngjarje dhe vijon punën për sqarimin e rrethanave dhe shkakut të aksidentit. /btvnews.al