Temperaturat në Evropën Veriore kanë rënë nën minus 40 gradë Celsius për herë të parë që nga viti 2021, tha sot instituti meteorologjik suedez SMHI.
“Në disa pjesë të Suedisë Veriore, si qyteti verilindor i Umeas, temperaturat ranë në nivelin më të ulët në 12 vjet”, tha SMHI.
“Të gjitha shërbimet e trenave të pasagjerëve që qarkullojnë në veri të Umeas janë pezulluar deri të enjten për shkak të rreziqeve të shtuara të sigurisë mes të ftohtit”, raportoi transmetuesi SVT.
Sipas SMHI, një zonë me presion të lartë aktualisht po sjell ajër jashtëzakonisht të ftohtë në verilindje të Suedisë dhe në veri të Finlandës.
Në Nikalokta pranë Kirunas në veri të Suedisë, janë regjistruar temperatura deri në minus 41,6 gradë Celsius.
Temperaturat më të ftohta në Suedi këtë shekull u regjistruan në shkurt të vitit 2001, kur në Storbo u mat minus 44 gradë Celsius.
“Temperaturat gjithashtu kanë rënë në nivele dyshifrore të ulëta në Finlandën fqinje. Në të gjithë vendin, temperaturat qëndruan midis minus 20 dhe minus 30 gradë Celsius”, tha instituti lokal meteorologjik “Ilmatieteen laitos”.
Në pjesë të Finlandës qendrore dhe veriore, temperaturat parashikohej të bien deri në minus 40 gradë Celsius në ditët në vijim.