Një vajzë e mitur është rrëzuar nga kati i shtatë i apartamentit. Ngjarja ka ndodhur mbrëmjen e kësaj të marte në lagjen 13 në Durrës.
Sipas policisë, ngjarja ka ndodhur në mënyrë aksidentale teksa vajza 3-vjeçare ndodhej në ballkon së bashku me prindërit.
E mitura është transportuar në spital dhe ndodhet në gjendje të rëndë shëndetësore.
Durrës/Informacion paraprak
Rreth orës 20:07, në lagjen nr. 13, dyshohet se aksidentalisht ka rënë nga ballkoni i apartamentit në kat të shtatë, ku ishte së bashku me prindërit e saj, një 3-vjeçare.
Si pasojë e dëmtimeve të marra, e mitura po merr ndihmë mjekësore në spitalin rajonal të Durrësit dhe është në gjendje të rëndë shëndetësore.
Grupi hetimor po punon për sqarimin dhe dokumentimin me prova ligjore të rrethanave të ngjarjes. /btvnews.al