Ngjarja ka ndodhur në një shkollë në fshatin Jagodinë, si pasojë e pakënaqësisë, sepse mësuesi sillej jo profesionalisht me nxënësit në klasë dhe ushtronte ndaj tyre presion psikologjik të vazhdueshëm.
Sipas hetimeve, mësuesi me inicialet E.K. e ka kërcënuar I.K. verbalisht dhe, sipas pretendimeve të këtij të fundit, ka hedhur drejt tij benzinë që e kishte në automjetin e vet.
Menjëherë pas konfliktit, ZVA Elbasan pezulloi mësuesin nga detyra pasi prindërit shprehën ankesa dhe pakënaqësi lidhur me sjelljen e tij në klasë.
Gjithashtu, bëhet me dije se disa muaj më parë, ai ishte transferuar nga një shkollë në tjetrën për shkak të problemeve të ngjashme.
Aktualisht, çështja është duke u hetuar nga Prokuroria e Elbasanit, dhe 34-vjeçari po përballet me akuzat për “Kanosje” dhe “Vetëgjyqësi”.
Autoritetet po punojnë për të zbardhur të gjitha rrethanat dhe motivet që çuan në këtë incident. #btvnews.al