Një aksident ka ndodhur këtë të mërkurë në aksin Peshkopi-Maqellarë.
Dy makina janë përplasur me njëra-tjetrën dhe si pasojë është plagosur një 47-vjeçar.
“Dibër/Informacion paraprak
Rreth orës 09:15, në aksin rrugor “Peshkopi-Maqellarë”, automjeti tip “Ford”, me drejtues shtetasin S. S. 47 vjeç, është përplasur me automjetin tip “Benz”, me drejtues shtetasin R.M., 65 vjeç.
Si pasojë ka mbetur i dëmtuar shtetasi S.S., i cili po merr ndihmë mjekësore në spital, dhe ndodhet jashtë rrezikut për jetën.
Grupi hetimor po punon për sqarimin e rrethanave të aksidentit”, njofton policia. #btvnews.al